Jo vetëm Rusia, një tjetër shtet është gati t’i shpallë luftë Ukrainës

Pas Rusisë një tjetër shtet është gati t’i shpallë luftë Ukrainës. “The Guardian” duke cituar ish-ministrin ukrainas të Mbrojtjes bën me dije se Bjellorusia do t’i shpallë luftë Ukrainës.

Andriy Zagorodnyuk, ish-ministër i Mbrojtjes në Ukrainë deklaron:

Republika e Bjellorusisë ka shumë gjasa t’i bashkohet luftës ruse kundër Ukrainës. Në krah të Rusisë. Ka  një informacion për trupat ajrore nga Republika e Bjellorusisë, me avionët që janë gati për të hyrë në Ukrainë.Ky është një zhvillim i tmerrshëm pasi përfshin një vend, i cili deri vonë ishte një mik i madh i Ukrainës; populli i të cilit e konsideronte gjithmonë Ukrainën si një komb vëllazëror. Ukraina dhe Bjellorusia nuk kanë qenë kurrë në luftë me njëra-tjetrën në historinë e tyre qindravjeçare. Ne besojmë se arsyeja e vetme për atë vendim ishte kërkesa personale e Presidentit të Rusisë, për një vend që është totalisht i varur nga Putini në politikën e tij”.

Kujtojmë që sot është dita e katërt e luftës në Ukrainë, që kur forcat ushtarake ruse hynë në vend.