Izraeli ka rifilluar sulmet ajrore në Gaza pas dështimit të bisedimeve me Hamasin për lirimin e pengjeve të mbetura dhe zbatimin e armëpushimit.
Në një deklaratë në orët e para të së martës, Forcat Mbrojtëse të Izraelit (IDF) thanë se "po kryenin sulme të gjera ndaj objektivave terroriste që i përkasin organizatës terroriste Hamas në Rripin e Gazës".
Zyra e kryeministrit Benjamin Netanyahu tha se sulmet janë një përgjigje ndaj "refuzimit të përsëritur të Hamasit për të liruar pengjet tanë, si dhe refuzimit të tij të të gjitha propozimeve që ka marrë nga i dërguari presidencial i SHBA Steve Witkoff dhe nga ndërmjetësit".
“Izraeli do të veprojë nga tani e tutje kundër Hamasit me fuqi ushtarake në rritje”, tha zyra e kryeministrit.
Më shumë se 200 janë vrarë në brez që nga rifillimi i armiqësive, njoftoi Al Jazeera, duke cituar autoritetet në Gazën e drejtuar nga Hamasi.
Agjencia palestineze e lajmeve Wafa raportoi sulme në pjesët qendrore dhe jugore të enklavës me popullsi të dendur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
