Miliarderi i rrëmbyer i Tanzanisë, Mohammed Dewji, është liruar vetëm 10 ditë pasi u kap nga njerëz të armatosur në qytetin e Dar es Salaam.
"Unë jam kthyer në shtëpi i sigurt", tha miliarderi në një postim në "Twitter" nga llogaria e kompanisë së tij METL Group.
Biznesmeni, i njohur si Mo, falënderoi policinë e Tanzanisë dhe gjithë të tjerët për lutjet e tyre.
Nuk është e qartë nëse 43-vjeçari është liruar apo u paguan para për lënien e tij të lirë.
Sipas Forbes, Dewji ka një pasuri prej 1.5 miliardë dollarë dhe është miliarderi më i ri në Afrikë.
Dewji u rrëmbye nga persona të armatosur në Hotel Colosseum në fillim të 11 tetorit, ndërsa po shkonte në palestër për të bërë stërvitje.
Familja e tij kishte ofruar një shpërblim prej 440.000 dollarë për çdo informacionin që do çonte në shpëtimin e tij.
Ministri i mjedisit i Tanzania Jan Makamba, një mik i ngushtë i industrialistit, shkruajti në Twitter të shtunën në mëngjes se ai kishte folur me Dewji dhe babain e tij.
Ai tha se rrëmbyesit kishin braktisur Dewji në një fushë pranë klubit Gymkhana në Dar es Salam, kryeqyteti tregtar i Tanzanisë.
Miliarderi raportohet të jetë në shëndet të mirë, por ka plagë në duar dhe këmbë për shkak të prangave.
Dewji shërbeu si deputet në partinë qeverisëse të Tanzanisë për një dekadë deri në vitin 2015.
Më pas iu rikthye biznesit të tij familjar. Kompania e tij, MeTL, prodhon tekstile, bluan miell, prodhon pije dhe vajra ushqimorë në të paktën gjashtë shtete afrikane.
Në 2016, manjati premtoi se do dhuronte të paktën gjysmën e pasurisë së tij për bamirësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
