Ish-kryeministri Bojko Borisov u arrestua pasditen e kësaj të enjte në kryeqytetin Sofje. Arrestimi i tij erdhi disa orë pas vizitës së prokurores së BE-së, Laura Kövesy, në Bullgari.
Borisov po hetohet për keqpërdorim të fondeve të BE-së në fushën e bujqësisë, ndërtimit dhe prokurimit publik.
Sipas mediave bullgare, një operacion i gjerë po zhvillohet nga Drejtoria e Përgjithshme e Policisë Kombëtare Bullgare, e cila po kryen kontrolle dhe sekuestro në shumë banesa.
Deri më tani janë arrestuar ish-kryeministri Bojko Borisov, ish-ministri i Financave Vladislav Goranov, ish-kryetarja e komisionit parlamentar të Financave Menda Stojanova dhe zëdhënësja e GERB-it Sevdalina Arnaudova.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
