Qyteti i Vlorës është bërë atdheu i ri i mbi 3 mijë shtetasve të huaj gjatë viteve të fundit.
Më së shumti ata vijnë nga Italia, por ka edhe amerikanë e afrikanë, të cilët kanë zgjedhur të jetojnë dhe investojnë në këtë qytet. Kryebashkiaku Ermal Dredha por edhe agjentët turistikë e imobiliarë thonë se kërkesat e të huajve për të jetuar në Vlorë janë shumë të larta.
Antonio Cieri dhe Tiziana Avolio, janë dy prej italianëve të shumtë që kanë vendosur të jetojnë në Vlorë dhe të krijojnë biznesin e tyre të shit-blerjes së pronave.
Ata thonë se kjo është zgjedhja më e mirë që kanë bërë në jetë dhe shprehin sigurinë se Vlora do të vijojë të jetë qyteti i tyre për shumë vite të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
