Ish-gjyqtari i Gjykatës së Lartë, Admir Thanza, është thirrur në prokurori për t’u marrë në pyetje.
Thirrja e tij në organin e akuzës vjen dy muaj pasi Komisioni i Pavarur i Kualifikimit e shkarkoi Thanzën, pasi konstatoi se nuk e kishte deklaruar një dënim të marrë në Itali në vitin 1999.
Drejtësia italiane e ka dënuar në atë kohë Thanzën me 40 ditë burg për vjedhje në bashkëpunim. Por ky dënim nuk është përfshirë në formularin e vetëdeklarimit.
Ndërsa para anëtarëve të KPK-së, ai tha se vjedhjen e kishte kryer kunata e tij, por e mori përsipër për të ndihmuar nipin e tij të sëmurë që po kurohej në Itali, pasi vuante nga një sëmundje e rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
