Situata në Mitrovicë është e qetë, pavarësisht paralajmërimeve se atje mund të ketë përshkallëzim të situatës. Ministria e Punëve të Brendshme në Kosovë hodhi poshtë raportimet sipas të cilave njësitë speciale janë vendosur në Mitrovicë.
“Asnjë nga Njësitet Speciale nuk ka lëvizur nga bazat e tyre, me përjashtim të atyre që janë të vendosura në rajonin e Mitrovicës, dhe që janë të stacionuara me kohë të përhershme, situata është e qetë dhe nuk ka asnjë arsye që Njësitë Speciale të grumbullohen”, ka thënë zëvendësiministri i Brendshëm, Abduselami Shkodra, për lajmi.net.
Edhe nga Policia e Kosovës thonë se situata në Mitrovicë është e qetë dhe se nuk ka arsye për shqetësim.
“Situata është krejt normale. Asnjë polic i njësive speciale nuk ka lëvizur në veri të vendit, me përjashtim të atyre që janë permanent në rajonin e Mitrovicës. Situata është e qetë dhe nuk ka as një lloj indicident deri në këtë kohë që të ketë ndonjë destabilizim apo trazira të ndryshme", ka thënë zëdhënësi i Policisë për rajonin e Mitrovicës së Jugut.
Në lidhje me situatën në veri, mediat serbe raportojnë sot se Ushtria e Serbisë është në gjendje gatishmërie.
“Ushtria serbe ngriti gatishmërinë në gjithë territorin për shkak të tensioneve të mundshme në Kosovë. Shërbimet kanë intensifikuar aktivitetet e tyre për të parandaluar agjentët që të përhapin lajme të rreme”, shkruan gazeta serbe Novosti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
