Është zhvilluar seanca gjyqësore ndaj ish kreut të Burgjeve Artur Zoto, ku ky i fundit është përballur me zv.drejtorin e Iliaz Labi. Ky i fundit ka thënë se Zoto i ka kërkuar të fliste me një biznesmen për tenderin e vezëve dhe bulmetit dhe se kërkonte 20 % të shumës. Ai tha se biznesmeni Shemsi Sinani i dha 20 mln leke tek një lokal tek blloku që duhet tja jepte Artur Zotos.
Labi: Më tha të flisja me 1 biznesmen. Kërkonte 20% të shumës. Biznesmeni Shemsi Sinani më dha 20 mln lek te 1 lokal. 20 mln lekët ia dorëzova Artur Zotos në zyrë. Artur Zoto pranoje atë që kemi bërë mos ki turp.
Zoto e pyet: Kishte kamera ne zyren time. Kur jemi takuar?
Labi: Ka pasur. Ti i fikje sipas qejfit. Kete e di mire ti.
Kjo eshte përballja për herë të parë mes dy ish- drejtuesve të burgjeve te Krimet e Rënda. Raportohet se ne seance ka pasur tone te ashpra gjate perballjes dhe iu tërhoq vëmendja disa here nga trupi gjykues.
ARRESTIMI
Ish-drejtori i Burgjeve Artur Zoto, është arrestuar shkurtin e këtij viti pasi akuzohet për korrupsion. Gjykata ka vendosur masën “arrest me burg” për ish-zyrtarin e vënë në pranga nga policia pas vendimit gjyqësor. Hetimet për të nisën kur u arrestua ish-zëvendësi i tij Iljaz Labi.
AKUZA
Zoto që u dorëhoq nga detyra pak kohë më parë, dyshohet se është i përfshirë në korrupsionin me tenderat e ushqimeve, për të cilat u arrestua zv/drejtori i burgjeve Iljaz Labi.
Një seri bisedash të përgjuara nga Prokuroria e Krimeve të Rënda, kanë ngritur dyshime të forta për implikimin në aferat korruptive në tenderat e ushqimit në burgje, dhe të Drejtorit të Përgjithshëm të Burgjeve Artur Zoto.
Në dosjen hetimore, ndodhen dhjetëra procesverbalë me biseda të transkiptuara, të cilat tregojnë se drejtori Zoto, tashmë i dorëhequr ka qënë në dijeni të këtyre aferave korruptive, dhe se Iljaz Labi nuk bënte asnjë hap, pa miratimin e Zotos.
Ndaj këtij të fundit prokuroria nuk lëshoi asnjë urdhër-arresti. Por dy ditë pas operacionit të arrestimit të zv/ndësit të tij Iljaz Labi dhe katër biznesmenëve Elidjan Laskaj, Ylber Kalaja, Shemsi Sinani e Nexhmi Balla, Drejtori i Përgjithshëm i Burgjeve ka dhënë dorëheqjen, duke ja justifikuar largimin ministrit të Drejtësisisë Manjani nëpërmjet një letre, ku i shkruante se ishin motivet personale dhe familjare të tij, që e çonin në largimin nga kjo detyrë.
Por në një seri bisedash të përgjuara, pasqyrohet dhe një bisedë mes biznesmenëve Nexhmi Balla dhe Elidjan Laskaj, ku Nexhmiu e pyet Elidjanin se çfarë kishte bërë.
Nga ana tjetër Elidjani i thotë se sa kishte dalë nga Drejtoria e Burgjeve. “Ai”, i kishte thënë se do ta çonte lart dhe do t’i kthente një përgjigje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
