Analisti Baton Haxhiu thotë se SPAK po përpiqet të ndërtojë fuqinë e vet duke përdorur përgjimet e Ergys Agasit, në vend që të siguronte prova për dosjen e AKSHI-t. Në studion e MCN, ai tha se kur flitet për shantazhe, i pari që duhet të dalë para drejtësisë është vetë Agasi.
Nëse janë të brendshme dhe i kanë në dorë vetëm prokurorët nuk mund të quhen shantazh. Por nëse bëhen publike, për arsye se fuqia e fakteve mungon te prokuroria, ky shantazhim është problematik. Unë nuk i marr për të vërteta ato që thuhen për shantazhet e SPAK për anëtarë të Gjykatës Kushtetuese. Është një mënyrë për të arritur te e vërteta kur nuk ka rrugë tjetër. Në këtë pikë i pari që duhet të ishte para drejtësisë është vetë Ergys Agasi.
Këto materiale janë të papublikueshme por kur do SPAK ta ndërtojë fuqinë e vet për shkak të mungesës së fakteve dhe i obligon të jenë bashkëpunues, kjo nuk është etike. Etike është mbledhja e fakteve. Do të ishte turp që nëse dikush bën regjistrime të tilla, ai ose punon për ndonjë shërbim ose SPAK e ka njeriun e vet. Kushdo që regjistron të tilla materiale duhet të shkojë në burg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
