Policia greke ka arrestuar të premten një shtetas shqiptar, që akuzohet për trafik droge dhe armëmbajtje pa leje.
37 vjeçari u arrestua ndërsa po ecte në një zonë pyjore pranë fshatit Delvinaq, në afërsi të kufirit me Shqipërinë.
Ai po mbartte 3 çanta, brenda të cilave kishte 12 pako me kanabis, me peshë të përgjithshme 48.9 kilogramë.
Policia thotë se në momentin e arrestimit ai kishte me vete edhe një armë të tipit kallashnikov e një krehër me 29 fishekë.
37 vjeçari do të dërgohet në prokurorinë e Janinës, ku veç akuzave për drogën dhe armëmbajtjen, do të ndiqet edhe për hyrje të paligjshme në Greqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
