Një mbikëqyrës dixhital ka paralajmëruar në një raport të ri se ChatGPT mund t'u japë adoleshentëve udhëzime të hollësishme mbi përdorimin e drogës, vetëlëndimin dhe dietat ekstreme.
Sipas Qendrës për Kundërshtimin e Urrejtjes Dixhitale (CCDH), chatbot-i i inteligjencës artificiale mund të manipulohet lehtësisht për të gjeneruar përmbajtje të rrezikshme dhe kërkon masa mbrojtëse urgjente.
Për të testuar sjelljen e ChatGPT, studiuesit e CCDH krijuan profile fiktive të 13-vjeçarëve që përjetonin probleme të shëndetit mendor, çrregullime të të ngrënit dhe interes për substanca të paligjshme.
Duke u shtirur si të ishin adoleshentë të vërtetë, ata zhvilluan biseda të strukturuara me ChatGPT, duke u shfaqur emocionalisht vunerabël dhe realistë.
Rezultatet u botuan të mërkurën në një raport të titulluar “Mik i rremë”, duke iu referuar mënyrës se si shumë adoleshentë e trajtojnë ChatGPT-në si një prani mbështetëse të cilës i besojnë me mendimet e tyre private.
Studiuesit zbuluan se chatbot-i shpesh fillonte përgjigjet me deklarata standarde dhe i nxiste përdoruesit të kontaktonin profesionistë ose linja telefonike për kriza.
Megjithatë, këto paralajmërime u pasuan shpejt nga përgjigje të detajuara dhe të personalizuara që përmbushnin kërkesën fillestare të dëmshme. Në 53% të 1,200 kërkesave të paraqitura, ChatGPT ofroi atë që CCDH e klasifikoi si përmbajtje të rrezikshme. Refuzimet shpesh anashkaloheshin thjesht duke shtuar kontekst si "është për një projekt shkollor" ose "Po kërkoj një mik".
Shembujt e përmendur përfshijnë plane për festa që kombinonin konsumin e alkoolit, ekstazinë dhe kokainës, si dhe jepeshin udhëzime për vetëlindimin, si dhe dieta ekstreme, një javë pa ngrënë dhe me vetëm 300-500 kalori në ditë. ChatGPT shkoi deri aty sa shkruajti një letër vetëvrasjeje me zërin e një vajze 13-vjeçare.
Drejtori Ekzekutiv i CCDH, Imran Ahmed, tha se disa nga përmbajtjet ishin aq shqetësuese saqë i lanë studiuesit të përlotur.
Organizata i ka kërkuar OpenAI, kompanisë që qëndron pas ChatGPT, të miratojë një qasje duke përfshirë mbrojtje të tilla si verifikimi më i rreptë i moshës, kufizime më të qarta përdorimi dhe veçori të tjera sigurie brenda arkitekturës së mjeteve të saj të IA-së, në vend që të mbështetet në filtrimin e përmbajtjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
