Një punonjës i aeroportit në San Antonio, Texsas, SHBA, ka humbur jetën pasi u thith nga motori i një avioni pasagjerësh. Ngjarja e rëndë ndodhi të premten e 23 qershorit në orën 22:25, pak pas uljes, ku një avion i Delta Air Lines që vinte nga Los Angeles po lëvizte drejt portës së mbërritjes me një motor në punë ai nga i cili punonte punëtori i cili u thith prej tij, raportoi Bordi Kombëtar Amerikan i Sigurisë së Transportit, siç raportohet nga CNN. Autoritetet po hetojnë vdekjen e punëtorit. “Jemi thellësisht të pikëlluar dhe po punojmë me autoritetet”, tha zëdhënësja e aeroportit Erin Rodriguez. Delta Air Lines deklaroi se: “Jemi të pikëlluar nga vdekja e një anëtari të ekuipazhit. Zemrat dhe mbështetja jonë janë me familjen dhe miqtë e tij gjatë kësaj kohe të vështirë”. Vetëm pak ditë më parë linja ajrore rajonale Piedmont Airlines , një degë e American Airlines, pagoi një gjobë prej 15.625 dollarë për Administratën e Sigurisë dhe Shëndetit në Punë për vdekjen e një punonjësi tokësor vitin e kaluar në një incident të ngjashëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
