Studiuesi Evarist Beqiri thotë se në përplasjen e Rusisë me Perëndimin, Ballkani është hallka më e brishtë. Kjo sipas tij për shkak të demokracive të brishta dhe konflikteve mes vendeve fqinje.
Sot me zhvillimet teknologjike, askush nuk është larg. Nuk përjashtohet asgjë në këtë botë që jetojmë. Rusia hallkën më të dobët për të goditur Perëndimin e ka në Ballkan. Shoqëritë janë të përçara, demokracitë të brishta.
Kemi shumë për të bërë, edhe për të forcuar institucionet, edhe demokracinë. Ne nuk jemi të përgatitur për të papriturat. Kemi akoma për të bërë.
Në luftën Rusi-Ukrainë, Beqiri sheh si të domosdoshëm rolin e Shteteve të Bashkuara.
Roli i SHBA është jashtëzakonisht i rëndësishëm. Nëse ka njeri që mund ta bëjë paqen në Ukrainë, ajo është SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
