Këshillat bashkiakë, përfundon numërimi në disa bashki, kryeson PS-ja

Është mbyllur procesi i numërimit për Këshillat Bashkiakë në disa bashki të vendit.

Në Has është shpallur fituese Partia Socialiste e cila ka marrë 4 mandate (1131 vota). Edhe pse kandidati i “Bashkë Fitojmë” Miftar Dauti fitoi votat për t’u shpallur kryebashkiak në garën për Këshillin Bashkiak mori vetëm 3 mandate (994 vota).

Sipas të dhënave nga KQZ, nga dy mandate kanë marrë dhe PAA, PSD dhe LZHK.  PD zyrtare ka fituar vetëm 1 mandat dhe po ashtu nga 1 kanë marrë dhe PR, PLL, PDIU, AAK, PBK dhe PGJ dhe PKKA.

Edhe në Fushë Arrëz ka përfunduar procesi i numërimit të votave për Këshillin Bashkiak. Partia Agrare Ambientaliste dhe Partia Socialdemokrate kanë marrë secila nga 3 mandate. Ndërkohë që PS ka marrë 574 vota të cilat përkthehen në 2 mandate. Pavarësisht se kandidati i “Bashkë Fitojmë” Hilë Curri në këtë bashki u shpall fitues në garën për kryebashkiak, koalicioni ka mundur të marrë vetëm një mandat.

Edhe Puka ka mbyllur procesin e numërimit. Sipas të dhënave nga KQZ, 4 mandate ka fituar Partia Socialiste, 2 PS dhe 2 AAK. Nga 1 mandat kanë marrë “BF”, PDS, PD, FRD, AD, PBK dhe FM.

Në Vorë, 13 mandate i ka marrë PS, 4 BF, 2 PAA dhe nga 1 PR dhe FRD.

Edhe në Cërrik janë numëruar të gjithë kutitë dhe fituese edhe sa i përket mandateve të fituara për Këshillin Bashkiak është shpallur PS me 11 të tilla. “BF” ka marrë 3 mandate, PD-ja zyrtare 2 dhe nga 1 mandat kanë marrë PAA, PLL, PSD, LZHK dhe PGJ.

28 mandate ka marrë PS në Elbasan, një diferencë e madhe kjo krahasuar me 7 mandatet që ka mundur të fitojë “Bashkë Fitojmë. 7 mandate i ka marrë PD-ja zyrtare, dhe nga 1 mandat kanë marrë PDS, PSD, PDIU dhe PGJ.

Edhe në Roskovec PS është forcë e parë sa i përket mandateve për Këshillat Bashkiakë. PS ka marrë 12 mandate ndërsa ‘BF” 7 mandate. Nga një mandat kanë marrë  PDIU dhe PBK.