Procesi i votimit i nisur në orën 08:00 të mëngjesit në Fier vijon normalisht. Sipas deputetit Luan Baçi, i cili po ndjek nga afër këtë proces, anëtarësia është duke votuar normalisht, ndërsa për të krijuar më tepër lehtësi për anëtarësinë, është shtuar numri i qendrave.
Ka filluar procesi sipas orarit zyrtar të publikuar nga PDSH në të 6 degët. Sot demokratët do të votojnë qetësisht me një proces të rregullt e transparent, jo vetëm në Fier por në të gjithë qarkun ka nisur procesi i votimit. Në degën e Fierit janë 6 qendra votimi për të pasur sa më të lehtë që anëtarët e Partisë Demokratike ta kenë sa më afër kutinë e votimit për të patur dhe pjesëmarrje më të madhe pasi në raste të tjera ka ndodhur që pjesëmarrja ka qenë e kufizuar për arsye të distancave të gjata të qendrave të votimit.
Orari zyrtar është deri në orën 18:00 por në bazë të prurjes që mund të ketë, nëse ka anëtarë që duan të votojnë procesi mund të shtyhet. Më pas do të vijohet me numërimin e fletëve të votimit në qendrat e votimit dhe rezultati del menjëherë në qendrat e votimit.
Pas mbylljes së procesit të votimit do të bëhet edhe numërimi dhe çdo qendër do të shpall fituesin mes dy kandidaturave, Sali Berisha dhe Ibsen Elezi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
