<p>Skulptori Viktor Ferraj thotë se skulpturat e vendosura në mjediset publike kanë ndryshuar me kalimin e viteve. Nëse më parë ka qenë kriter karakteri historik i një skulpture, vitet e fundit i është dhënë hapësirë edhe karakterit estetik.</p> <blockquote> <p><em>Problemi i zgjedhjeve është transhendent. Shkon te pushteti vendor, te mënyra e vendosjes së kritereve, ka të bëjë me historinë. Më parë ka qenë kriteri historik. Më vonë ka marrë karakter estetik. Por edhe në këtë rast përcjell një mesazh, i jep një lloj kuptimi atij mjedisi.</em></p> <p><em>Në rastet që përcillen bëhet fjalë për vepra që kanë shumë vite që janë vënë aty. Janë nën një lloj trysnie dhe vështrimi për të dhënë mesazhin e ngjarjes historike dhe për të vendosur raportet e duhura me planimetritë. </em></p> <p><em>Sot skulptura nuk është më ajo e dikurshmja. Sot mund të flitet me shprehje dhe materiale nga më të ndryshmet. Ka vepra sot që dikur nuk mund të konceptoheshin. </em></p> </blockquote> <p>Lidhur me bordet që përzgjedhin skulpturat që do të vendosen në mjedise publike, Ferraj tha se nuk marrin opinionin e akademisë.</p> <blockquote> <p><em>Ka artistë dhe arkitektë në bordet që bëjnë përzgjedhjen e veprave. Por problemi është si zgjidhen ata. Unë jam vetë pjesë e akademisë. Por askush nuk i drejtohet akademisë. </em></p> </blockquote> <p>Ferraj theksoi rëndësinë e studimit paraprak të mjedisit ku do të vendoset skulptura dhe mesazhit që ajo do të përcjellë.</p> <blockquote> <iframe width="560" height="315" src="https://www.youtube.com/embed/bWkOPvBbyfQ?si=A2hnkm84DX-j2Mzq" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe> <p><em>Asnjë gjë nuk vendoset pa u studiuar më parë. Marrim skulpturën e Skënderbeut. Ka qenë një projekt që ka zgjatur 12 vjet. Kur bëhen planimetri të këtij niveli, artisti është i fundit që vjen. Prandaj them se ka shumë improvizim. Dua të shprehë personalitetin e autorit. Në botë, shumë artistë të mëdhenj nuk janë bërë në mënyrë sporadike. Autori sa e njoh unë është shumë rigoroz. Kur realizon punë të këtij karakteri, ka mënyrën e tij të të punuarit. Një vepër e tillë ne e shohim në një plan të marrë në televizion. Por një vepër ka disa kënde vështrimi.</em></p> </blockquote>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
