Administratori i një lokali në Tiranë ka rënë në prangat e policisë, pasi në këtë objekt organizoheshin lojëra fati.
Gjatë kontrolleve në lokal blutë sekuestruan tavolina pokeri dhe pajisje elektronike që shërbenin për këtë veprimtari.
Për këtë rast u arrestua shtetasi E. H., 39 vjeç, pasi gjatë kontrollit në lokalin që administronte, në rrugën “Sitki Çiço”, u konstatua se kishte përshtatur ambientin për organizimin e lojërave të fatit.
Në cilësinë e provës materiale u sekuestruan 2 tavolina pokeri që u gjetën në lokal.
Kontrollet kundër kësaj veprimtarie vijojnë. Materialet procedurale iu referuan Prokurorisë së Tiranës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
