Vijon protesta e punonjësve të Portit në Shëngjin, si pasojë e vonesës së pagave për tre muaj.
Ata u mblodhën brenda ambienteve të ndërmarrjes, duke kërkuar zgjidhje të problemit që sipas tyre u ka krijuar vështirësi financiare.
Keqmenaxhimi dhe abuzimet në këtë institucion, punonjësit thonë se po e çojnë drejt falimentimit.
Në mbështetje të protestës ishte dhe Kreu i Konfederatës së Sindikatave të Shqipërisë, Kol Nikollaj, sipas të cilit shqetësimi i tyre do t’i përcillet qeverisë shqiptare.
Në Portin e Shëngjinit janë 117 punonjës që po përballen me vështirësitë e pagesave prej kohësh dhe kjo është protesta e dytë që organizojnë brenda kësaj jave.
Ky institucion i cili është me vetëfinancim po përballet me vështirësi të shumta financiare, për shkak të rënies së numrit të anijeve që përpunohen në këtë port.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
