Sekretari për çështjet ligjore në PD, Indrit Sefa, thotë se ndërsa procesi i votimit për kryetar të partisë vijon, pjesëmarrja deri tani është brenda pritshmërive. Në një prononcim për mediat, ai tha se në zgjedhje mund të marrin pjesë edhe anëtarë që nuk e gjejnë emrin në listën e votuesve. “Mund të votojnë edhe anëtarë që nuk gjejnë emrin në lista. Paraqiten me kartën e anëtarësisë dhe komisioni i shënon në një listë të posaçme. Vendimmarrja i takon komisionit. Pjesëmarrja është brenda pritshmërive. Gjatë këtyre dy muajve është bërë një punë e konsiderueshme", tha ai. Deri në orën 14:00, sipas shifrave nga PD, kanë marrë pjesë në votim 11 602 votues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
