Basha fton qytetarët në protesta: Bashkë kundër qeverisë më 18 shkurt

Pas zhvillimeve të fundit në gjirin e maxhorancës, Partia Demokratike ka paralajmëruar protesta.

Në një njoftim të fundit të selisë blu, kryetari Lulzim Basha njoftoi se protesta e parë do të zhvillohet në Tiranë, më 18 shkurt.   

“I ftoj të gjithë bashkëqytetarët në një manifestim kundër qeverisë më 18 shkurt, në Tiranë. Të protestojmë bashkë kundër padrejtësive dhe varfërisë, kundër shëndetësisë që lëngon dhe arsimit të shkatërruar, kundër arrogancës dhe shtypjes qeveritare, kundër drogës, krimit dhe kriminelëve në politikë. Të mbrojmë lirinë për të zgjedhur dhe të tregojmë vendosmërinë për të ruajtur votën. Vetëm me kurajo dhe vendosmëri mund ta kthejmë pushtetin tek njerëzit”, shprehet Basha.​