Fëmijët e reperit Coolio i dhanë lamtumirën e fundit babait të tyre pak ditë më parë, por kanë gjetur edhe një mënyrë të çuditshme për ta mbajtur pranë vetes.
Trupi i 59-vjeçarit është djegur, mirëpo hiri i tij nuk synohet të shpërndahet në ndonjë det apo të ruhet në ndonjë enë.
Sipas një raportimi të TMZ, 7 fëmijët e reperit që vdiq nga një goditje në tru pak ditë më parë, po mendojnë të përdorin hirin e babait të tyre dhe të bëjnë gjerdanë.
Një përfaqësues i familjes tha, se secili nga fëmijët e tij do të marrë një medaljon për të mbajtur hirin e tij. E njëjta gjë do të vlejë edhe për anëtarët e tjerë të familjes që duan ta kenë pranë vetes.
Nuk është bërë e qartë se si hiri do të “shndërrohet” në bizhuteri, por mendohet se varëset do të shërbejnë si një hapësirë e vogël depozitimi për hirin.
Gjithashtu, secili nga djemtë dhe vajzat e tij do të zgjedhë mbishkrime të veçanta për bizhuteritë e tyre. Hiri i reperit do të përdoret për gjerdanët dhe pjesa që e mbetur prej tyre do të lihet në një enë.
Coolio, reperi më i njohur për këngën e tij ‘Gangsta's Paradise’, ndërroi jetë në moshën 59-vjeçare në shtëpinë e një miku të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
