Zbulohet trupi i pajetë i një personi në pusin e rrotës së një avioni të United Airlines pasi ai u ul në Hawaii, njoftuan linja ajrore dhe departamenti i policisë Maui në deklaratat e tyre të mërkurën.
Trupi u gjet në pusin e rrotave të një prej mjeteve kryesore të uljes në fluturimin 202, i cili mbërriti në aeroportin Kahului nga Çikago të martën, njoftoi United në një deklaratë.
Linja ajrore tha se pusi i rrotave të Boeing 787-10 ishte i aksesueshëm vetëm nga pjesa e jashtme e avionit dhe se ishte e paqartë se si dhe kur personi kishte mundur të hynte në të.
Ndërkohë departamenti i policisë Maui tha se po hetonte lidhur me rrethanat e ngjarjes.
Fluturimi u nis nga aeroporti O’Hare i Çikagos dhe trupi u zbulua pasi avioni u ul në aeroportin Kahului të Hawaiit.
Para se të nisej nga Çikago, avioni kishte fluturuar më parë nga Sao Paulo në Brazil. Gjithsesi nuk ka ende të dhëna për identitetin e të ndjerit.
Policia e Maui tha në një deklaratë: “Departamenti i Policisë Maui aktualisht po kryen një hetim aktiv në lidhje me një person të vdekur të zbuluar në një fluturim në hyrje nga kontinenti këtë pasdite.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
