Një situatë pengmarrjeje në një klub nate në një qytet lindor të Holandës ka marrë fund pasi policia arrestoi autorin.
Katër persona u morën peng prej tij në Ede, të shtunën herët në mëngjes, duke kërcënuar se do të hidhte veten në erë, thanë mediat lokale.
Tre persona u lanë fillimisht të lirë dhe i katërti doli rreth gjashtë orë pas fillimit të incidentit.
Policia tha se motivi i të dyshuarit është ende i paqartë, ndërsa po shihet edhe gjendja e tij mentale.
Autoritetet u njoftuan për një situatë të mundshme pengjesh rreth orës 05:15 me orën lokale, njoftoi transmetuesi holandez NOS.
Zyrtarët thanë se i dyshuari kishte një çantë shpine të zezë dhe disa thika me vete, me të cilat kërcënonte pengjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
