Katër persona humbën jetën dhe 42 të tjerë mbetën të plagosur si pasojë e një shpërthimi të ndodhur gjatë kremtimit të meshës katolike në Marawi, në jug të Filipineve.
Shpërthimi ndodhi në një gjimnaz në Universitetin e Mindanaos ku po kremtohej një meshë ku morën pjesë dhjetëra njerëz, shumë prej tyre studentë të universitetit.
Në vitin 2017, qyteti ishte skena e një beteje pesë-mujore midis forcave qeveritare dhe militantëve të lidhur me Shtetin Islamik. Personeli shtesë i sigurisë është vendosur në kampus dhe të gjitha aktivitetet akademike janë pezulluar deri në një njoftim tjetër.
Mamintal Alonto Adiong Jr, guvernator i provincës Lanao del Sur në Mindanao, dënoi sulmin e dhunshëm gjatë meshës katolike në qytetin me shumicë myslimane.
Këtu, në provincën time, ne mbështesim të drejtat themelore të njeriut, duke përfshirë të drejtën e fesë.
Sulmet terroriste kundër institucioneve arsimore duhet të dënohen sepse këto janë vende që promovojnë kulturën e paqes dhe trajnojnë të rinjtë tanë që të jenë formuesit e ardhshëm të këtij vendi.
Në një deklaratë, Universiteti i Mindanaos tha se ishte thellësisht i pikëlluar dhe i tronditur nga akti i dhunës dhe dënoi “pa mëdyshje dhe në termat më të fortë këtë akt të tmerrshëm dhe të pakuptimtë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
