Gjigandi farmaceutik suedez-britanik AstraZeneca ka rënë dakord të paguajë 425 milionë dollarë për t'i dhënë fund proceseve gjyqësore në Shtetet e Bashkuara në lidhje me ilaçet e saj për aciditetin në stomak, Nexium dhe Prilosec, por nuk pranon asnjë dëm që lidhet me to.
Kështu thuhet në një njoftim për shtyp që u publikua këtë të martë.
“Marrëveshjet i dhanë fund padive që ishin duke u zhvilluar në New Jersey dhe Delaware, në Shtetet e Bashkuara lindore”, thuhet në njoftimin për shtyp.
“AstraZeneca vazhdon të besojë se këto akuza janë të pabaza dhe nuk pranon asnjë faj ”, shton grupi.
Sipas paditësve në Shtetet e Bashkuara të Amerikës, Nexium dhe Prilosec shkaktonin probleme me veshkat, mëlçitë, kockat dhe se kompanitë farmaceutike që prodhonin këto lloj ilaçesh ishin të njohura me këto efekte anësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
