Shtëpia e Bardhë ka njoftuar planet e Shteteve të Bashkuara të Amerikës për t’iu bashkuar Bashkimit Europian dhe Britanisë së Madhe në sanksionimin e Presidentit rus Vladimir Putin dhe Ministrit të Jashtëm Sergei Lavrov.
Duke folur me gazetarët në konferencën e përditshme gjatë së premtes, sekretarja e shtypit e Shtëpisë së Bardhë, Jen Psaki tha se SHBA, në përputhje me vendimin e aleatëve europianë, do të sanksionojnë Putinin, Lavrovin dhe “anëtarët e tjerë të ekipit rus të sigurisë kombëtare”.
Por ndërsa sanksionet e Mbretërisë së Bashkuar dhe BE-së ndaj Putinit dhe Lavrovit do të sjellin një ngrirje të aseteve, Psaki u tha gazetarëve se masat e SHBA do të përfshijnë edhe ndalimin e udhëtimeve.
Më tej shtoi se detaje më specifike mbi sanksionet, do të publikohen në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
