Policia iraniane njoftoi se gratë që kundërshtojnë vendimin për të veshur hixhabin do të identifikohen përmes kamerave inteligjente të instaluara në vende publike.
Këtë vendim e ka bërë të ditur agjencia Irna, duke saktësuar se do të dërgohen mesazhe për femrat e pambuluara, pasi dalja në publik pa mbulesë dëmton imazhin shpirtëror të shoqërisë dhe shkakton pasiguri.
Policia iraniane më pas u bëri thirrje pronarëve të bizneseve që të monitorojnë dhe të marrin masa.
Në mesin e shtatorit pas vdekjes së Mahsa Amini, ndërsa ishte në paraburgim policor për mbajtjen e pahijshme të shamisë islame, Irani u trondit nga një valë e paprecedentë protestash në mbrojtje të të drejtave të njeriut dhe të grave me qindra arrestime dhe viktima. Një numër i madh i grave pa hixhab tani shihen në shumë vende publike anembanë vendit, pavarësisht nga rreziku për t'u arrestuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
