“Filigran në letër” quhet arti i veçantë i artistes nga Kosova, Mimoza Studenica, që zgjodhi të ndaj me shikuesit e programit të mëngjesit në “Zgjohu me MCN”.
Artistja e dizajnit, në një komunikim me skype, bëri të ditur se arti i përthyerjes së letrës, ka origjinën nga Kina dhe nënkupton stilimin e pikturave përmes letrave në panel, të cilat më pas marrin formë dhe ngjyrë.
Ajo rrëfeu se ishte një ëndërr e fëmijërisë që iu kthye në realitet.
Është një lloj arti aplikativ që aplikohet në letër, ka një teknikë të veçantë. Letrat palosen me forma të rrumbullakëta, zigzagë, me forma të tjera dhe ngjyrosen më pas.
Jam dizenjatore me profesion, kam mbaruar për dizajnin grafik. Këtë art e kam pasur ëndërr që në fëmijërinë time dhe e realizova, është unik si art, për shkak të formave dhe ngjyrave që merr.
Kam krijuar portrete me emra të njohur të muzikës, filmit e artit në përgjithësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
