“Sterilizimi”, Apeli i GJKKO nuk ndryshon masën e sigurisë për Rrjepaj dhe Rrapaj

Gjykata e Apelit të Posaçëm lë në fuqi masat e sigurisë për të akuzuarit si të përfshirë në koncensionin e sterilizimit.

Në seancën e sotme Apeli i GJKKO la pas hekurave në masë sigurie ish-zëvendësministrin e Shëndetësisë, Klodian Rrjepaj i akuzuar për shpërdorim detyre dhe Ilir Rrapajn i akuzuar për “Mashtrim me pasoja të rënda” për koncesionin e sterilizimit.

Gjykata la në fuqi masën “arrest shtëpie” për Saimir Kadiun e Marsela Serjanajn, drejtorë në Ministrinë e Shëndetësisë.

GJKKO la në fuqi “detyrim paraqitje” zyrtarët e ministrisë së Shëndetësisë, Naile Ajazi, Genc Byrazeri e Petro Mersini si dhe shefin e Kirurgjisë, Arben Gjata, Rektori i Mjekësisë.

Ndaj ish zv.ministrit Rrjepaj, SPAK ka ngritur akuzën e falsifikimit dhe shpërdorimit të detyrës, ndërsa ndaj biznesmenit Rrapaj, atë të mashtrimit me pasoja të rënda.

SPAK ka kryer hetime për dy vite e gjysmë nën dyshimin se koncensioni është dhënë në kundërshtim me ligjin.