Policia kanadeze ka nisur një operacion të madh për arrestimin e dy agresorëve që vranë me thikë 10 persona dhe plagosën 15 të tjerë, ngjarje që tronditi vendin.
Policia kanadeze bën me dije se dy të dyshuarit janë Damien Sanderson dhe Myles Sanderson, të cilët ndodhen në arrati dhe janë tepër të rrezikshëm për komunitetin, pasi janë të armatosur.
Sulmet ndodhën në të paktën 13 vende të ndryshme, më së shumti midis James Smith Cree Nation dhe Weldon, ku komunitetet lokale shpallën gjendjen e jashtëzakonshme.
Një reagim erdhi edhe nga kryeministri Justin Trudeau, i cili u shpreh "i tronditur" dhe “zemërcoptuar” lidhur me ngjarjen e rëndë.
Ekipet e shpëtimit i konsideruan skenat si “të tmerrshme”. Ende nuk dihen arsyet e krimit të rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
