Komisioni hetimor për rrjedhjen e të dhënave nga sistemi TIMS ka miratuar sot 4 ekspertët që do të shqyrtojnë dokumentacionin dhe do të përgatisin kërkesat për informacion që do të dërgohen tek institucionet përkatëse.
Gazetari Mariglen Kume në një lidhje me studion e lajmeve në MCN Tv tha:
Komisioni hetimor ka miratuar 4 ekspertët që do të shqyrtojnë dokumentacionin dhe do të përgatisin kërkesat për informacion që do të çohen në institucione përkatëse. Më shumë se një orë komisioni u merr me procesverbalin e seancës së javës së kaluar.
Bëhet fjalë për një replikë mes kryetarit të komisionit dhe deputetes Blerina Gjylameti, sa i përket personave që do të thirren për të dëshmuar në këtë komision.
Salianji në mbledhjen e kaluar prezantoi listën e personave që do thirreshin. Në një debat, sipas Gjylametit, ka qenë me ironi, ajo ka kërkuar që të thirrej si dëshmirar edhe Berisha që është në arrest dhe nuk i lejohet të dalë. Dhe nëse do të dalë do të marrë pjesë, atëherë bie debate sa i përket çështjes së mandatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
