Steve Bannon, ish-këshilltari i presidentit amerikan, Donald Trump, është arrestuar pasi akuzohet për mashtrim gjatë fushatës për mbledhjen e fondeve për ndërtimin e murit-kufi SHBA-Meksikë.
Sipas BBC, ish-këshilltari dhe tre persona të tjerë, akuzohen se kanë përvetësuar fondet duke përdorur metoda të ndryshme. E gjitha erdhi pas fushatës që këta ngritën për të ndërtuar murin ndarës me Meksikës në kufi, pasi shumë meksikanë janë problematikë menjëherë sapo hyjnë në SHBA.
Ndërtimi i murit ka qenë edhe një premtim i Donald Trump në fushatën e vitit 2016, ndërsa deri më tani Bannon dhe tre personat e tjerë kishin mashtruar qindra donatorë duke grumbulluar 25 milionë dollarë, tha Departamenti i Drejtësisë në SHBA.
Thuhet se Bannon përvetësoi më shumë se 1 milion dollarë, një pjesë e të cilëve i përdorte për shpenzimet personale. Për këtë arsye në ditët në vijim ai do të dalë para gjykatës.
Audrey Strauss, Ushtruesi i Detyrës së Avokatëve së SH.B.A-ve për Qarkun Jugor të New York (SDNY), tha se Banon dhe tre personat e tjerë; Brian Kolfage, Andreë Badolato dhe Timothy Shea kishin "mashtruar qindra mijëra donatorë, duke përdorur pretekstin se paratë do të përdoreshin të gjitha për ndërtimin e murit”.
Bannon kishte marrë më shumë se 1 milion dollarë nëpërmjet një organizate jofitimprurëse që ai kontrollonte, ndërsa Kolfage, që është edhe themeluesi i “We Build the Wall”, shqip ‘Ne Ndërtojmë Murin’, fshehu 350,000 dollarë për përdorimin e tij personal.
‘Bannon dhe tre të tjerët e filluan skemën në Dhjetor 2018’,- tha Departamenti i Drejtësisë.
Të katër të pandehurit akuzohen për komplot, me qëllim mashtrimin për pastrim parash. Dënimi maksimal për veprën e kryer mund të shkojë në 20 vjet për secilin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
