Për kryetarin e LSI, Monika Kryemadhi ajo që u prezantua sot nga kryeministri Rama është lançimi i policisë politike.
Në një deklaratë për shtyp, sipas Kryemadhit, Rama ka zaptuar Shqipërinë duke e kthyer në diktaturë.
Kryemadhi u shpreh se shefi i qeverisë tha se po provokon me KÇK, ndërkohë që po ngrihet SPAK dhe BKH.
Gjithashtu ajo theksoi se kreu i qeverisë kërcënoi edhe bashkëpunëtorë të tij brenda PS-së, pasi sipas saj laku i ka ardhur në fyt.
‘Zhgënjimet nga Edi Rama sa vjen dhe po shtohen. Çdo ditë e më shumë në sytë e qytetarëve shqiptarë shihet sesi sabotuesi po shkatërron Reformën në Drejtësi.
Pikërisht sot që po ngrihej SPAK, kryeministri në ikje, kryeministri i lodhur, po na tregon ngritjen e KÇK-së, krijimin e policisë politike.
Kemi pasur një polici tradhëtare ndaj qytetarëve. Kemi parë si vrasës dhe përdhunues kanë dhe ngrënë e kanë pirë më drejtues të qeverisë shqiptare, kemi parë që nxirren fëmijët më gaz lotsjellës që në mëngjes.
Me deklaratën e tij që do të përjashtojë nga grupi i PS, këdo që nuk voton paketën e tij KÇK, tregoi edhe njëherë orientimin përfundimtar që ai po i jep Shqipërisë për ta kthyer në diktaturë.
Veprat e tij korruptive jo vetëm që i dalin në ëndërr por nuk e lënë as të flejë.
Sot, interpretim i tij shumë i lodhur dhe jo profesional, po me vë në dyshim edhe aftësitë e tij si pedagog dhe student në Akademinë e Arteve.
E pamë sot kryeministrin sesi kërkonte të hidhte parfum në gropën e madhe që i ka bërë Shqipërisë.
Foli për koncensionet si një projekt i suksesshëm, por nuk foli për mungesën e sigurisë juridike për investitorët e huaj, nuk foli si po abuzon me skemat e buxhetit të shtetit. Edi Rama kërkon të vendosë në kolateral paratë e shtiparëve.
Dëgjuam sot 2 orë një kryeministër që bënte monolog sepse nuk e dëgjon asnjë shqiptar, të gjithë thërrasin ‘Rama ik’, si në stadium.
Minutat e tij po mbarojnë por ne nuk do lejojmë që me minutat e tij të mbarojë edhe Shqipëria’ , tha Kryemadhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
