Ministri i Brendshëm Fatmir Xhafaj ka mbledhur urgjentisht drejtuesit e Policisë së Shtetit për vrasjen e ish-drejtorit të Policisë së Vlorës Artan Cuku.
Burime për “BalkanWeb” pohuan se mbledhja zhvillohet në Drejtorinë e Policisë së Tiranës ku edhe po zhvillohen homazhet për ish-zyrtarin e policisë.
Në takim sipas të njëjtave burime marrin pjesë Drejtori i Përgjithshëm i Policisë së Shtetit Haki Çako, dy prokurorë të Krimeve të Rënda dhe drejtuesit e policisë së kryeqytetit.
Kujtojmë se në grupin hetimor për zbardhjen e ngjarjes Policia e Tiranës ka angazhuar specialistët më të mirë, ndërsa janë vënë në dispozicion edhe 30 mln lekë të vjetra për informatorët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
