Lionel Bejaj është një vogëlush 3-vjeçar i cili është bërë viral në rrjetet sociale me videot e tij pasi këndon muzikën labe.
Nëna e tij Ilvana Bejaj rrëfeu në emisionin “Zgjohu me MCN” se i biri nisi të këndonte nëpër shtëpi dhe për gjithçka shtysën e ka marrë nga gjyshi.
Nisi të këndonte nëpër shtëpi, në fillim përqendrohet tek kënga dhe nuk do që t’i flasësh. Ervis Beharin e ka shumë qejf e shikon shpesh në televizor. Është më shumë i lidhur me këngët popullore, nga që rri shumë me gjyshërit nga ana e babit.
Gjyshi nga ana e babit këndon, ka marrë pjesë dhe në festival. E pëlqen shumë veshjen popullore.
Dhe në gjumë kur ka qenë bebe, e vinim në gjumë me këngë popullore. Nuk fle pa i vendosur këngë.
Kënga e parë ka qenë “Dajo xhani”, pastaj “Baluket e ballit” ka qenë video më virale, madje ka qenë dhe me temperaturë kur e ka kënduar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
