Cristiano Ronaldo shënoi dy gola mjaft të bukur në përballjen mes Suedisë dhe Portugalisë, duke u dhënë fitoren kombëtares.
Megjithatë sulmuesi i mirënjohur portugez pranoi se ndjen mungesën e tifozerisë në fushë, pasi edhe mbrëmjen e ndeshjes nuk ishte askush aty për ta brohoritur apo duartrokitur në momentin e shënimit të dy golave mjaft të bukur.
“Stadiumet pa tifozë janë të trishtueshëm. Personalisht jam mësuar edhe me vërshëllimat e tifozëve jashtë fushe, pasi më japin forcë. Sigurisht që shëndeti është mbi gjithçka, por një stadium pa tifozë është si një cirk pa kllounin apo si një kopsht pa lule. Shpresoj që brenda pak muajsh gjithçka të rikthehet në normalitet, sepse pa tifozët, futbolli është i trishtë. Tani që e di se stadiumet janë bosh, bëj ushtrime meditimi, para ndeshjeve”, u shpreh portugezi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
