Sekretari i përgjithshëm i Ministrisë së Jashtme, Armad Skapi, komenton konfliktin Rusi-Ukrainë dhe sanksionet ndaj Moskës, i cilëson si kundërpërgjigje ndaj veprimeve të fundit.
Nga studio e lajmeve të MCN TV, ai u pyet lidhur me deklaratat për mercenarë nga Shqipëria dhe Kosova në Ukrainë, ku mohoi prerazi diçka të tillë.
“Kemi ndjekur me shqetësim deklarimin e ministrit të Jashtëm rus, Sergei Lavrov, për gjoja përfshirjen e shqiptarëve në Ukrainë si mercenarë. Thirrëm në takim ambasadorin rus, përcollëm shqetësim dhe kërkuam përgënjeshtrimin e autoriteteve ruse. Kërkojmë që dhe palët e tjera të përfshira të mos dezinformojnë opinionin ndërkombëtar për përfshirjen në konflikt”, u shpreh Skapi.
Ai shtoi se Shqipëria do të reagojmë në mënyrën e parashikuar nga praktika ndërkombëtare për këto raste.
Po ashtu Skapi deklaroi se bashkë me partnerët Shqipëria do të marrë masat e nevojshme për atë që mund të vijë nga përshkallëzimi i konfliktit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
