Gazetari Sokol Bregu tha në studion e emisionit “MCN Economy” se kryetarët e bashkive në vendin tonë, duke përjashtuar Tiranën kanë frikë të marrin pronat e sekuestruara dhe konfiskuara të krimit.
Duke vijuar Bregu tha se kryetarët e bashkive kanë jo vetëm frikë, po vërteton që ndonjëherë këtyre personave ata do i shërbejnë për fushatë elektorale.
Pronat e krimit kudo në botë është vështirë t’i prekësh, të kërcënojnë, të shantazhojnë. Në Itali s’ka ndodhur kurrë. Bota e ka gjetur mënyrën , duke ia kaluar të gjitha organeve lokale, pushtetit vendor. I merr bashkia dhe qeveria. Këtu jemi me probleme në Shqipëri. Të gjithë kryetarët e bashkive, përveç Tiranës, kanë frikë t’i marrin pronat.
Kryetarët e bashkive kanë jo vetëm frikë, po kjo vërteton që ndonjëherë këtyre personave ata do i shërbejnë për fushatë elektorale.
Themi që trafiku i drogës në këtë vend referuar shifrave që vijnë nga Europol që thonë nga torta e madhe e kokainës shqiptarët fitojnë 2 miliardë euro në vit. Nëse kjo është e vërtetë dhe shqiptarët kanë kohë që e fitojnë, çfarë do të thotë 150 milionë euro? Ose Europol ka shifër të mbingarkuar ose sekuestrimet janë të vogla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
