Ish-deputeti i PS Lavdrim Krashi duke folur në MCN Live për hetimet ndaj “Bankers Petroleum” tha që kjo histori është turp i atyre që kanë qenë në pozita drejtuese dhe s’kanë kryer detyrën. Krashi thekson se situata është e përmasave të mëdha, pasi aludohet për shuma të mëdha.
“Është përgjegjësi dhe është turpi i atyre që kanë qenë në pozita drejtuese dhe që populli i ka paguar me taksat e tij për të qenë gardian dhe që qartësisht s’e kanë kryer detyrën. Është situatë e përmasave kaq të mëdha, ku flitet për një kohë kaq të gjatë, dhe aludohet për shuma të mëdha që mund të ishin përdorur për arsimin dhe shëndetësisë. Ka dyshime për përfshirjen e bankave të nivelit të dytë, e me radhë. Prokuroria Speciale e ka rast ideal mendoj unë.
Duhet të jemi unikalë në botë, se si një kompani që merret me naftë del me humbje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
