Adriatik Llalla pritet t’i japë fund detyrës me mbarimin e mandatit, teksa shumica po përgatitet për zëvendësimin e tij.
Burime nga kuvendi bëjnë me dije për Vizion Plus se në seancën plenare te 30 nëntorit, mazhoranca pritet të fusë në rend të ditës votimin për Prokurorin e ri te Përgjithshëm, qe do te zëvendësoje shefin aktual te akuzës Adriatik Llalla, mandati i te cilit mbaron më 3 dhjetor.
Pak javë më parë, kryeprokurori pretendoi se mandati i tij nuk përfundonte në fillim të dhjetorit dhe se do të vijonte të qëndronte në detyrë.
Mbarimi i mandatit, pretendohet nga organi i akuzës, është pas dy viteve, pasi për shkak të ndryshimeve kushtetuese në kuadër te reformës ne drejtësi, mandati i kreu të organit te akuzës është 7 vjet dhe ky parashikim ligjor vlen edhe për Adriatik Llallën, i cili ka 5 vjet ne këtë detyre.
Por, për shumicën socialiste, mandati i Llallës përfundon në fillim të muajit dhjetor dhe sipas ligjit për prokurorinë, ai duhet te largohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
