Lukashenko: Zhvillimet bëjnë që Bjellorusia dhe Irani të kërkojnë forma të reja bashkëpunimi

Situata në botë i shtyn Bjellorusinë dhe Iranin të kërkojnë forma të reja bashkëpunimi.

Kështu deklaroi Presidenti bjellorus Aleksandr Lukashenko teksa u takua me ambasadorin e Jashtëzakonshëm dhe Fuqiplotë të Iranit në Bjellorusi, Saeed Yari.

Duke shqyrtuar bashkëpunimin me Iranin, kreu i shtetit bjellorus vuri në dukje se rezultatet mund të ishin shumë më të mëdha, por gjithçka që është bërë gjatë mandatit të ambasadorit do të hapë rrugën për marrëdhënie më të ngushta dypalëshe në të ardhmen.

Ne mund të kishim bërë më shumë, por situata në botë por edhe rreth Iranit dhe Bjellorusisë, për fat, na bën të afrohemi dhe të kërkojmë ato forma bashkëpunimi që mund të na përfitojnë më shumë.

Lukashenko e vlerësoi nivelin e tregtisë dypalëshe si normal, por vuri në dukje se do të dëshironte ta shihte të shumanshëm.