3-vjeçarja franceze humb jetën, u gjet e mbyllur në lavatriçe

Një vajzë 3-vjeçare gjeti vdekjen, pasi u gjet në gjendje të rëndë e mbyllur brenda lavatriçes së shtëpisë së familjes në Paris, të Francës.

Sipas të dhënave të para nga policia e cila ka nisur hetimet për zbardhjen e ngjarjes, prindërit kanë vënë re zhdukjen e vogëlushes mbrëmjen e së enjtes dhe nisën ta kërkonin kudo.

Babai dhe njëri nga katër vëllezërit e vogëlushes e kuptuan vetëm rreth orës 22.30, se ajo ndodhej brenda lavatriçes, e cila në atë moment ishte e fikur.

Ekipet e ndihmës së shpejtë e nxorën të miturën, por pavarësisht përpjekjeve për ta sjellë në jetë, e mitura gjeti vdekjen.

Lidhur me këtë rast hetimet janë në vijim, për të zbuluar më shumë mbi rrethanat e ngjarjes.