Nirvana Deliu, eksperte integrimi tha në studion e MCN Informacion se mund të ketë pak vonesë në hapjen e grupkapitujve të tjerë për shkak se jemi dhe në një periudhë zgjedhore.
Sipas Deliut, reformat që përfshijnë gjyqësorin, të drejtat themelore të njeriut si dhe sigurinë do të ndikojnë në mënyrën se si ne bëjmë negociatat.
Relativisht mund të mendohet deri diku e vështirë pasi duke qenë se jemi dhe në periudhë zgjedhore do të kemi një qeveri të re, do të kemi zgjedhjet, kjo mund të bëjë që të ketë pak vonesë sa i përket hapjes së grupkapitujve, por nga ana tjetër do duhet të shikojmë nëse Bashkimi Evropian, ndër të tjera Komisioni Evropian s ai gatshëm është.
Të gjitha reformat që përfshijnë gjyqësorin dhe të drejtat themelore dhe me 24 që përfshin drejtësinë, por edhe sigurinë e lirinë si lufta kundër krimit të organizuar, migracioni, lufta kundër drogës janë ato të cilat do ndjekin të gjithë procesin e negociatave dhe progresi që ne bëjmë apo regresi që bëjmë në këto kapituj do të na ndikojë në mënyrën si ne bëjmë negociatat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
