Largimi i pushuesve nga plazhet e Shëngjinit dhe Tales në Lezhë, është shoqëruar sot me trafik të rënduar.
Rruga nga Shëngjini në drejtim të Milotit po përballet me fluks të lartë automjetesh, e për rrjedhojë kaos në lëvizje, ku shpesh herë kemi bllokim total të qarkullimit rrugor.
Trafiku i rënduar ka nisur që prej orës 17:00 dhe ka vijuar deri në orët e mbrëmjes. Policia Rrugore është vendosur në disa pika për të lehtësuar sadopak lëvizjen e mjeteve.
Shpesh fundjava e fundit e gushtit përkon me përfundimin e pushimeve për shumë qytetarë, çka do të thotë që tashmë do të ketë edhe lehtësim të qarkullimit rrugor, teksa trafiku i rënduar ishte një sfidë dhe këtë verë në rrugët e qarkut Lezhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
