Dy persona, njëri mjek dhe tjetra infermiere, janë arrestuar në Varese, Italui, me akuzën e katër vrasjeve. Leonardo Cazzaniga dhe Laura Taroni punonin në spitalin e Saronnos si mjek anestezist dhe infermiere.
Burri akuzohet për vrasjen e katër pacientëve të moshuar dhe të burrit të infermieres, me të cilën kishte një lidhje dashurie.
Hetuesit dyshojnë për katër raste vdekjesh të ndodhura në ambulancën e tyre dhe vrasjes së burrit të infermieres 3 vite më parë.
Vrasja e pacientëve duket se është bërë me injektimin e një doze të madhe ilaçi. Me të njëjtën mënyrë është kryer edhe vrasja e burrit, të cilit i janë dhënë doza të përditshme.
Hetimeve u kanë ardhur në ndihmë përgjimet e bisedave mes dy të akuzuarve.
Në një prej rasteve, infermierja i thoshte mjekut: “Nëse do i vras edhe ata”, duke iu referuar fëmijëve të një pacienteje. “Jo, fëmijët jo”, dëgjohet burri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
