Kryeministrja daneze, Mette Frederiksen, shtyu dasmën për herë të tretë, për të marrë pjesë në një samit të rëndësishëm të BE-së në 17 dhe 18 korrik.
“Ne duhet të mbrojmë interesat e Danimarkës", shkroi ajo në Facebook.
Martesa me partnerin Bo Tenberg ishte caktuar për 18 korrik, por dy ditë më parë u njoftua data e Këshillit të ardhshëm të BE-së, e para me praninë fizike të liderëve pas izolimit. Danimarka, ndër të tjera, dëshiron t’i dëgjohet zëri së bashku me Suedinë, Austrinë dhe Holandën, të ashtuquajturin grup i vendeve 'të kursyera', në raport me Fondin e Rimëkëmbjes.
"Mezi pres të martohem me këtë njeri të jashtëzakonshëm. Por mbledhja e Këshillit në Bruksel u caktua në të njëjtën kohë që ne kishim planifikuar dasmën", shkroi kryeministrja 41-vjeçare, e cila e shtyu dasmën verën e kaluar, për shkak të zgjedhjeve politike. Më pas shkak u bë pandemia e Covid-19. Por Frederiksen thotë se është shumë e duruar, duke i bashkëngjitur postimit një foto me bashkëshortin e ardhshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
