Koreja e Veriut po ecën përpara me planet për të mbyllur vendin e vetëm të njohur të testimit bërthamor, pavarësisht konfuzionit mbi fatin e një takimi të planifikuar mes udhëheqësit të saj Kim Jong-un dhe presidentit të SHBA, Donald Trump.
Takimi, i cili do të ishte i pari midis një presidenti të ulur të SHBA dhe udhëheqësit të Koresë së Veriut, ishte planifikuar për në 12 qershor në Singapor. Por Trump hodhi dyshime mbi kohën e tij të martën gjatë një takimi me presidentin e Koresë së Jugut , Moon Jae-in, duke thënë se takimi mund të shtyhej.
Samiti u vendos në dyshim pasi Veriu komunist kritikoi ushtrimet e përbashkëta ushtarake nga forcat amerikane dhe koreano-jugore dhe këmbëngulja e SHBA-së që takimi do të çonte në dorëzimin e njëanshëm të Koresë së Veriut të programit të saj të armëve bërthamore.
Nga ana tjetër, Trump e ka paralajmëruar Kim se nëse refuzon të bëjë një marrëveshje, ai mund të përballet me të njëjtin fat si ish-udhëheqësi libian Muamar Gadafi, i cili u rrëzua dhe u vra pas një kryengritjeje të mbështetur nga NATO.
Pyongyang thotë se mbështet denuklearizimin e plotë në gadishullin Korean, por e interpreton atë si një çarmatim gradual në faza reciproke. Këshilltari i sigurimit kombëtar i SHBA, John Bolton, ka insistuar që regjimi të dorëzojë të gjitha armët e saj bërthamore dhe pajisjet e prodhimit para se të marrë ndonjë përfitim.
Të martën, Trump tha se nuk mund të parashikonte rezultatin e negociatave mbi programin e armëve të Pyongyang, por tha se nëse Kim pranoi të çarmatoset "ne do të garantojmë sigurinë e tij. Ai do të jetë i sigurt. Ai do të jetë i lumtur. Vendi i tij do të jetë i pasur."
Ndërkohë, një grup prej 30 gazetarësh të huaj nga SHBA, Mbretëria e Bashkuar, Rusia, Kina dhe Koreja e Jugut kanë shkuar në vendin komunist për të raportuar për ceremoninë e mbylljes, e cila ka gjasa të ndodhë të enjten. Udhëtimi i tyre nga qyteti turistik i Wonsan përfshin një udhëtim 18 orësh me hekurudhë, autobus dhe në këmbë. Tetë gazetarë nga Korenë e Jugut u miratuan me vonesë nga Pheniani për të marrë pjesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
