Një anije mallrash u godit nga një dron në brigjet e shtetit perëndimor indian të Gujarat të shtunën.
Anija-citernë që mbante një flamur të Liberisë raportohet se ishte e lidhur me Izraelin, bën me dije firma britanike e sigurisë “Ambrey”. Anija e sulmuar ishte nisur nga Arabia Saudite me destinacion Indinë. Sulmi shkaktoi një zjarr në bordin e anijes, i cili u vendos nën kontroll, e për pasojë asnjë nga rreth 20 anëtarët e ekuipazhit nuk u dëmtua.
Goditja vjen pas një serie sulmesh me dronë dhe raketa mbi anijet në Detin e Kuq nga rebelët Houthi të mbështetur nga Irani. Grupi, i cili kontrollon pjesën më të madhe të Jemenit, ka kryer më shumë se 100 sulme me dronë dhe raketa në 10 anije, sipas zyrtarëve amerikanë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
