Kryedemokratit Sali Berisha ka fituar një hap ligjor lidhur me ankimimin e bërë prej tij për heqjen e masës së sigurisë “detyrim paraqitje”, duke e kthyer çështjen në Gjykatën e Lartë për rishqyrtim.
Konkretisht Gjykata Kushtetuese shqyrtoi ankimin e kryedemokratit Berisha, me objekt shfuqizimin e vendimit datë 3 janar 2025, të Gjykatës së Posaçme të Apelit për Korrupsionin dhe Krimin e Organizuar dhe vendimit datë 22 prilll 2025, të Kolegjit Penal të Gjykatës së Lartë, si të papajtueshme me Kushtetutën.
Në përfundim, Gjykata, me shumicë votash, vendosi:
1. Pranimin pjesërisht të kërkesës.
2. Shfuqizimin e vendimit nr. 00-2025-658, datë 22.04.2025, të Kolegjit Penal të Gjykatës së Lartë, si të papajtueshëm me Kushtetutën.
3. Dërgimin e çështjes për rishqyrtim në Gjykatën e Lartë.
4. Shpenzimet e përfaqësimit për kërkuesin, në vlerën 60.000 lekë, i ngarkohen Ministrisë së Financave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
