Gjykata e Tiranës ka pranuar pjesërisht kërkesën e prokurorisë dhe ka caktuar masën "arrest me burg" për 3 infermieret dhe sanitaren që bashkëpunonin me Tire Alldervishin, e cila i zhvati 8 milionë lekë një pacienti me koronavirus.
Për Mira Hoxhën, Sheqerije Koçin, Sidorela Çelën dhe Rukije Hoxhajn është dhënë masa arrest në burg, 45 ditë.
Gjykata ka kërkuar prova shtesë nga prokuroria, ndërsa thekson se kjo masë është dhënë me qëllim që Prokuroria të kryejë veprime të tjera përsa i përket zbardhjes me komunikimet që kanë pasur personat e arrestuar me sanitaren, Tire Alldervishi.
Gjatë seancës gjyqësore, të katërta gratë mohuan akuzat, madje disa prej tyre dhe shpërthyen në lot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
